Press "Enter" to skip to content

Xushnudbek.uz

Сиз ушбу канал эгасимисиз?: Ҳа

Xushnudbek.UZ

Диққат! Ушбу блог тўлиқлигича www.xushnudbek.uz манзилига кўчган! Сўнги янгиликлардан хабардор бўлиш учун www.xushnudbek.uz га ташриф буюринг!

Sahifalar

29 нояб. 2013 г.

Диққат.
Блогим ҳозирда тўлиқлигича янги манзилга кўчган.
Энг сўнги янгиликлардан хабардор бўлиш учун қуйидаги манзилга ташриф буюринг:
Муаллиф: Xushnudbek Киритилган вақт: 20:48 2 комментария:

28 сент. 2013 г.

Шахсий блогим 1 ёшга тўлди!

Ўтган йили август-сентябрь ойларида Facebook ижтимоий тармоғи орқали “Қонунчиликдаги янгиликлар” рукни остида бир нечта постлар қолдира бошлаган эдим. Мазкур постларда қонунчиликда бўлаётган ўзгаришлар тўғрисида маълумотлар бериб борар эдим. 27 сентябрь куни Facebookда қолдирган мана бу постим якунда ҳозир Сиз ўқиб турган блогнинг дунёга келишига туртки бўлган эди. Ўшанда Sanjar Rizayev изоҳ қолдириб, “Siz blog oching bir ” деган таклифни илгари сурган эдилар. Бу таклиф HamzaFoziljonov томонидан қўллаб-қувватланганини ҳам таъкидлаб ўтиш жоиз. Хуллас, ўша таклифни ўйлаб кўриб, блог очишга аҳд қилгандим. Агар маъқул келса, фурсатдан фойдаланиб, блогим ҳақидаги баъзи маълумотларни Сизларга етказсам дегандим.

Блогдаги биринчи хабарим “Bismillohdanboshladik. ” деб номланиб, 27 сентябрь куни соат 20:14 да қолдирилган экан.

Агар ортга назар ташлайдиган бўлсак, ўтган бир йил давомида блогимга 78 та блогпост қолдирдим. Улар орасида турли йўналишда, турли мавзуларда, турли мазмунларда ёзилган хабарлар бор эди.

2013 йилнинг 17 апрелида Xushnudbek.uz доменини олдим ва ўша кундан буён блогимга мазкур манзил орқали ҳам кирса бўладиган бўлди.

Доимий равишда янгилаб боришга, барқарорликни таъминлашга қўлдан келганча ҳаракат қилдим. Агар эътибор берсак, фақат 2013 йилнинг февраль ойидагина блогимга биронта хабар қолдирмаган эканман. Қолган барча ойларда озми-кўпми, яхшими-ёмонми бирон нима қоралашга ҳаракат қилдим.

Блогимга бугунги кунгача 42 978 марта ташриф буюрилган. Ҳозирча энг кўп ташриф буюрилган ой – 2013 йилнинг июль ойи бўлиб турибди: 7407 марта қадам ранжида қилинган.

Энг кўп ўқилган хабарлар кетма-кетлигидан шу нарса маълум бўлдики, блогга ташриф буюрувчиларни ОТМдаги тўлов-контракт суммалари кўпроқ қизиқтирган. Мисол учун, энг кўп ўқилган хабар 1 мартдан олий таълим муассаларида тўлов-контракт суммалари ошганлиги ҳақидаёзилган хабар бўлса (1088 марта), 4-ўринда “Олий таълим муассаларида 1 сентябрдан тўлов-контракт суммалари ошди” номли хабар турибди (978 марта). Иккинчи ўринда “Миллий хавфсизлик хизмати, Прокуратура ва Ички ишлар органлари терговчилари ҳақида”ги хабар (1025 марта), “Трастбанк”ка ёзилган хат эса кўп ўқилганлиги бўйича учинчи ўриндан жой эгаллаган (1015 марта).

Блогда бугунги кунгача 191 та изоҳ қолдирилган. Бу ҳар бир хабарга ўртача 2,4 тадан изоҳ қолдирилган дегани. Албатта бу ҳозирча кам, лекин ўйлашимча, мазкур рақам яна ошиб борса керак. Ҳар ҳолда шунга умид қиламан.

Блогга турли излаш тизимларидан (Google, Yandex ва ҳ.к) қидириб киришда фойдаланилган калит сўзларнинг кучли учлигида қуйидаги калит сўзлар ўрин эгаллаган:

1. xushnudbek.blogspot.com
2. milliy xavfsizlik xizmati
3. миллий хавфсизлик хизмати
Блогга ташриф буюриш аудиторияси бўйича қуйидаги давлатлар кучли учликни ташкил қилган:
1. Ўзбекистон (20019 марта)
2. Россия (1993 марта)
3. АҚШ (1852 марта)

Ҳозирча, блогим ҳақида шулар. Агарда блогимни кимгадир фойдаси теккан бўлса, кимдир ўзи учун қизиқарли бирон нарса ололган бўлса, бундан хурсандман.

Имконингиз бўлса, блогимни кузатиб боришда давом этинг. Тез орада блогимда сюрприз бўлади. Вақти соати келганда бу қандай сюрприз эканлигини билиб оласиз, Худо хоҳласа.

Саломат бўлинг!
Муаллиф: Xushnudbek Киритилган вақт: 17:59 4 комментария:

24 сент. 2013 г.

Ўзбекистон Республикаси Банк-молия академияси магистратурасига 35 ёшдан ошганлар топшира олмайди

2013 йил 16 сентябрдаги Вазирлар Маҳкамасининг 255-сонли қарори билан “Ўзбекистон Республикаси Банк-молия академияси магистратурасига қабул қилиш тартиби тўғрисида”ги низом тасдиқланди.

Мазкур Низом Банк-молия академияси магистратурасига қабул қилиш қоидаларини аниқлаштирган ва аввал амалда бўлган тартибларга бир қанча ўзгартиришлар киритган.

Жорий йилдан бошлаб Банк-молия Академияси магистратурасига қабул қилишда ёш цензи белгиланди. Эндиликда 35 ёшдан ошганлар мазкур даргоҳга ҳужжат топшира олмайди.

Шунингдек, ўқиш муддати ҳам ўзгарди. Маълумотларга кўра, илгари Банк-молия Академияси магистратурасида ўқиш муддати 14 ой давом этган. Низомга кўра ўқиш муддати 2 йил этиб белгиланди.

МУАЛЛИФ ИЗОҲИ:

Мазкур ўзгартириш Банк-молия Академияси магистратураси ўқув тизимини амалдаги қонунчиликка мослаш мақсадида қилингани таҳмин қилиш мумкин. Сабаби, 1997 йил 29 августда қабул қилинган “Таълим тўғрисида”ги Қонун ва Кадрлар тайёрлаш миллик дастурига биноан магистратурада ўқиш камида икки йил давом этиши лозим.

Магистратура аниқ мутахассислик бўйича бакалавриат негизида камида икки йил давом этадиган олий таълимдир ”.

“Таълим тўғрисида”ги Қонун, 14-модда.

“Магистратура аниқ мутахассислик бўйича фундаментал ва амалий билим берадиган, бакалавриат негизида таълим муддати камида икки йил давом этадиган олий таълимдир”.

Кадрлар тайёрлаш миллий дастури.

Академия магистратурасига кириш учун ҳужжатлар 1 августдан 31 августгача қабул қилинади.

Академия магистратурасига кириш имтиҳонлари тест кўринишида ўтказилади ва Вазирлар Маҳкамаси ҳузуридаги Давлат тест маркази томонидан ташкил қилинади.

Тест синовлари 3 та фандан: «Демократик давлат ва фуқаролик жамияти қуриш назарияси ва амалиёти асослари», «Мутахассислик фани», «Инглиз тили» фанларидан ўтказилади.

МУАЛЛИФ ИЗОҲИ:

Низомнинг мазкур бандидан кўриш мумкинки, тест синовларида фақат инглиз тили фани бўйича ўтказилади. Қолган хорижий тиллар, масалан, француз, немис тиллари бўйича тест синовлари бўлмайди. Бакалавр босқичида айнан мана шу тилларда таҳсил олганлар учун инглиз тилини ўрганишни маслаҳат берамиз.

Кириш тест синовлари бўйича номзодларнинг максимал балли 200 баллни ташкил қилади ва ушбу баллар қуйидагилардан ташкил топади:

«Демократик давлат ва фуқаролик жамияти қуриш назарияси ва ама- лиёти асослари» фани бўйича — 0 баллдан 50 баллгача;

«Инглиз тили» фани бўйича — 0 баллдан 50 баллгача;
«Мутахассислик фани» фани бўйича — 0 баллдан 100 баллгача.

Халқаро тест бўйича инглиз тилида IELTS (International English Language Testing System) ёки TOEFL (Test of English as a Foreign Language) имтиҳон топширган ва амалдаги IELTS сертификати бўйича камида 5.0 баллга ёки ушбу баллнинг эквивалентига тенг бўлган TOEFL сертификатига эга бўлган номзодлар «Инглиз тили» фани бўйича кириш тест синовларини топширишдан озод этилади. Ушбу номзодларга «Инглиз тили» фанидан максимал 50 балл ҳисобланади.

Белгиланган тартибда GMAT (The Graduate Management Admission Test — бизнес мактабларида муваффақиятли ўқиш имкониятларини аниқ- лаш учун стандартлаштирилган тест) тизимида камида умумий 500 баллик амалдаги сертификатга эга бўлган номзодлар «Мутахассислик фани» ва «Инглиз тили» фанларидан кириш тест синовларини топширишдан озод этиладилар. Ушбу номзодларга «Мутахассислик фани» ва «Инглиз тили» фанлари бўйича максимал 150 балл ҳисобланади.

Кириш тест синовлари бўйича максимал 200 баллнинг 25 фоизидан кам балл тўплаган номзодлар қабул қилинмайди.

Кириш тест синовлари 10 сентябрь куни ўтказилади.

МУАЛЛИФ ИЗОҲИ:

Мазкур Низом жорий йилнинг 16 сентябрь куни тасдиқлангани эвазига, мазкур ўқув йилида тест синовлари истисно тарзида 10 сентябрда эмас, балки эртага, яъни 25 сентябрда, Турин Политехника Университетида ўтказилиши режалаштирилган экан. Бу ҳақида Академиянинг расмий сайтида хабар берилган.

Бошқа шаҳарлардан келган тингловчиларга иш жойига бориш ва қайтиш йўл харажатлари ҳамда меҳмонхонада (турар жой)да яшаш ҳаражатлари уларни жўнатган вазирликлар ва бошқа ташкилотлар томонидан қопланади.

Шунингдек, Банк-молия Академияси академияси магистратурасига ўқишга қабул қилиш учун тавсия этилиши мумкин бўлган лавозимлар рўйхати ҳам Низомга илова қилинган бўлиб, унга кўра 4 та соҳада фаолият олиб бораётган ходимларгина Академия магистратурасига ҳужжат топшира олади. Тўлиқ рўйхат билан қуйидаги манзил орқали танишишингиз мумкин.

Эндиликда 2010 йил 18 июндаги 118-сон қарори билан тасдиқланган Олий таълим муассасаларининг магистратурасига қабул қилиш тартиби тўғрисидаги низом Банк-молия Академияси учун амал қилмайди. Аввалроқ ушбу Низом Тошкент давлат юридик университети учун амал қилмаслиги ва университет учун алоҳида Низом ишлаб чиқилганлиги ҳақида хабар берган эдим. Ўйлашимча, бора-бора, ҳар бир олийгоҳда (ёки бир хил мутахассисликлар бўйича) ўзининг алоҳида магистратурага қабул қилиш Низоми ишлаб чиқилса керак. Бунда соҳанинг ўзига хосликлари инобатга олиниши мақсадга мувофиқ бўлар эди. Айниқса, тезроқ барча ОТМлар магистратураларига кириш тест синовлари Давлат тест маркази томонидан ўтказиладиган қилиш зарур. Менимча, бунинг фойдаси катта бўлади.

Xushnudbek.uz

Рукн Блогерлар ва журналистлар Канал тили Ўзбекча Аъзолар сони 486,238 Username t.me/xushnudbek Канал ҳақида маълумот Huquqshunos Xushnudbek Xudoyberdiyevning Telegram kanaliga xush kelibsiz!

Канал эгалари учун сайтда қўшимча функциялар мавжуд, уларни фаоллаштириш учун канал эгалигини тасдиқланг.

Сиз ушбу канал эгасимисиз?: Ҳа

Кириш

Олдин сиз тизимга киришингиз керак!

Сана Аъзолар Ўзгариш

Ўхшаш каналлар

Alimoff

Блогерлар ва журналистлар

Бу ерда сиз ижтимоий муносабатлар, сиёсат, фалсафа, тарих, китобхонлик бўйича фикрларимни ўқиб боришингиз мумкин. Ост.

Shokirjonov kanali ����

Блогерлар ва журналистлар

Jurnalist Shuhrat Shokirjonovning Telegram kanali.Murojaat uchun: �� @shokirjonovbotReklama: �� @usayfiyev

Pro Uzbekistan

Блогерлар ва журналистлар
Жизнь россиян в Узбекистане�� Хурма, гранат, Янгиабад⚜️ Самса, Минор, бухарский плов

Uztelegram.com – ўзбек тилидаги Телеграм каналларининг катта каталогидир. Сайтимизда 3000 мингга яқин телеграм каналлари ҳақида батафсил маълумотларни топишингиз мумкин: канал номи, ҳаволаси, таркиби ҳақида етарлича маълумотлар бор. Каналлар турли рукнларга ажратилган бўлиб, бу қизиқишлар бўйича керакли каналларни топишда сайт фойдаланувчилари учун қулайлик яратади: янгиликлар, мусиқа ва mp3, видео ва фильмлар, ижод, фото, санъат, дизайн, тиббиёт ва саломатлик, аёллар ва қизлар учун, спорт олами, автомобиллар, олиш ва сотиш, товарлар ва хизматлар, кўнгилочар, бизнес ва инновациялар, банклар ва молия, ҳуқуқ, давлат органлари, юмор ва кулгу, диний ва маърифий, таълим ва фан, ўйинлар ва дастурлар, афоризмлар, мақоллар ва иқтибослар, фойдали маслаҳатлар, фактлар, лайфхаклар, пазандачилик, технологиялар, санъат, фото ва яна қатор мавзуларда жамланган.

Ҳар бир канал бўйича исталган муддат оралиғида батафсил статистика мавжуд бўлиб, у каналдаги ўзгаришлар ҳақида тўлиқ тасаввурга эга бўлишга ёрдам беради. Каналлар админлари учун статистиканинг фойдали тарафлари: аъзолар сонининг ўсишини; каналнинг ҳар соатли статистикасини кўриш; “рақобатчи” каналларни мониторингини олиб бориш ва аъзоар сонидаги ўзгаришлар статистикасини кун, хафта, ой оралиғида кузатиб бориш. Фойдаланувчилар эса ўзбек тилидаги Телеграм каналлари рўйхатини рукнларга ажратилган ҳолда кўришлари мумкин.

Булардан ташқари сайтимизда “Топ-100” саҳифаси мавжуд бўлиб унда ўзбек каналларининг ҳаққоний рейтингини улардаги батафсил ўзгаришлари билан кузатиш имконияти мавжуддир.

Uztelegram.com сайти каталоги доимий равишда янгиланиб тўлдириб борилади. “Янги каналлар” номли алоҳида саҳифамизда сайтга қўшилган барча янги каналлар ҳақидаги маълумотларни батафсил кўриш мумкин. Сайтимиз орқали кўплаб каналлар оммага танилмоқда, фойдаланувчилар ўзларини қизиқтирган мавзу бўйича каналларни топиб аъзо бўлмоқдалар. Сайтнинг ижтимоий тармоқлардаги саҳифалари ва канали ҳам бор бўлиб, улар фаол иш олиб боряпти. Телеграм тармоғида кўплаб фойдаланувчилар канал орқали янги каналар ҳақида биринчилардан бўлиб маълумотга эга бўляптилар. Шу билан бир қаторда сайтимиз ўзбек тилидаги Телеграм каналларининг оммалашишига, сифатли маълумотлар ва контентнинг фойдаланувчиларга етиб боришига ҳамда интернетдаги ўзбек сегментинингг ривожланишига ҳисса қўшган ҳолда порно, зўравонлик, секс ҳамда 18+ материалларининг тарқалишига қаршимиз. Ёшларнинг илмий, маданий савиясини ошириш, уларни бўш вақтларини унумли ўтишини таъминлашни ўз олдимизга мақсад қилиб қўйган ҳолда ёшлар орасида эротика ва порнография тарқалишига қарши олиб борилаётган барча чораларни тўлиқ қўллаб қувватлаймиз

Самый большой каталог телеграм каналов в Узбекистане. Только активные каналы по категориям и с подробной статистикой.

Xushnudbek.uz

Huquqshunos Xushnudbek Xudoyberdiyevning Telegram kanaliga xush kelibsiz!
•youtube.com/c/xushnudbekxudoyberdiyev
•fb.com/xushnudjohn
•twitter.com/xushnudbeck
•instagram.com/xushnudbek
•tiktok.com/@xushnudbekofficial
Reklama uchun:
@xushnudbekreklama

Ratings & Reviews

Reviews can be left only by registered users. All reviews are moderated by admins.

Popular posts

Oxirgi xabar

2023-04-17 02:10:03 Yolg’onchi rost gapirdi

Muallif: muftiy Nuriddin domla hazratlari

46.7K views23:10

2023-04-17 01:30:31 17-aprel, dushanba (26-kun)
Saharlik vaqti: 04:17
Iftorlik vaqti: 19:07 (Toshkent vaqti)

Abdulloh ibn Amrdan rivoyat qilinadi:

«Rasululloh sollallohu alayhi vasallam:
«She’r ham kalom kabidir. Uning yaxshisi kalomning yaxshisi kabi, yomoni kalomning yomoni kabi», dedilar».

Sharh: Demak, insonning so‘zi yaxshi-yomondan iborat bo‘lganidek, she’ri ham yaxshi yoki yomon bo‘lishi mumkin. Shoir yaxshi, shirinsuxan inson bo‘lsa, yaxshi she’rlar bitadi, axloqsiz, beodob bo‘lsa, o‘zi kabi beodob, ahmoqona she’rlar yozishi mumkin.

“Odoblar xazinasi” kitobidan

60.1K views22:30

2023-04-16 19:02:27 Kechki mutolaa
(o‘qish yoki eshitish uchun 15 daqiqa vaqtingiz ketadi)

Said Ahmad. Bir siqim xandon pista (hajviya)

Izoh: Bugun o‘zbek adabiyotiga murojaat qildik. Aziz Nesinning hajviy hikoyalari ko‘pchilikka manzur bo‘lgan edi. Bizda ham ana shunday so‘zga usta adiblarimiz ko‘p aslida. Bunga misol qilib Said Ahmadni keltirish mumkin. Yaxshi eslayman, bolaligimda Said Ahmadning “Xandon pista” nomli hikoyalar to‘plamini sevib, bir necha marta o‘qigandim. Muqovasi yashilmidiyey, vallohu a’lam. Sizlarga ham bugun ana shunday hikoyalaridan birini o‘qish (eshitish) uchun tavsiya qilaman.

Matnni o‘qish uchun: https://teletype.in/@xushnudbek/bir-siqim-xandon-pista

Audio hikoyani eshitish uchun:

Muhokama bu yerda.

Bugungi hikoya audiosini Aziza Qurbonova o‘qigan.

“Kechki mutolaa” doirasida eʼlon qilingan barcha hikoyalar bu yerda.

105.5K views16:02
2023-04-16 17:36:54

Shaxmat toji uchun kurash qizg’in pallaga kirdi

Qozog’iston poytaxti Ostona shahrida Jahon chemopionligi uchun navbatdagi bahs bo’lib o’tmoqda. Amaldagi shaxmat toji egasi Magnus Karlsen (2853) o’z xohishi bilan ushbu bahsda ishtirok etishdan bosh tortgandan so’ng, nomzodlar turniri g’olibi rossiyalik grossmeyster Yan Nepomnyashiy (2795) turnirda 2-o’rinni olgan xitoylik Ding Liren (2788) bilan bahs olib boradigan bo’lgan edi.

Hozirgacha 6 ta partiya bo’lib o’tdi. Hisob — 3:3. Jangovor durang hamda mutloq tenglik. Har bir shaxmatchi hisobida 2 ta g’alaba, 2 ta durang va 2 ta mag’lubiyat bor.

Bugungi 6-turda oq donalarda o’ynagan “xitoylik terminator” juda chiroyli g’alabaga erishdi va hisobni tenglashtirdi (44-yurishdan keyingi vaziyat yuqoridagi suratda).

Eslatib o’tamiz, Jahon chempionligi uchun bahs jami 14 ta partiyadan iborat bo’ladi. Kim birinchi 7,5 ochko to’plasa, o’sha shaxmatchi Magnus Karlsenning 10 yillik hukmronligidan keyingi yangi Jahon chempioniga aylanadi. Agar 14 ta partiyada durang qayd etilsa, unda qo’shimcha tay-brek bahslari o’tkaziladi.

112.3K viewsedited 14:36

2023-04-16 16:00:47 16-aprel, yakshanba (25-kun)
Iftorlik vaqti: 19:05 (Toshkent vaqti)

Hanzala ibn Hizyamdan rivoyat qilinadi:

«Nabiy sollallohu alayhi vasallamga kishining o‘zi yaxshi ko‘rgan ismlari va yaxshi ko‘rgan kunyalari bilan chaqirilishi yoqar edi».

Sharh: Demak, bir kishini xunuk ism bilan, o‘ziga yoqmaydigan laqab bilan chaqirish joiz emas ekan. Qaysi ismini, qaysi kunyasini yaxshi ko‘rsa, o‘sha ismi, o‘sha kunyasi bilan chaqirish kerak ekan. Rasululloh sollallohu alayhi vasallam shu narsani yoqtirganlar.

“Odoblar xazinasi” kitobidan

119.3K views13:00
2023-04-16 12:35:56

19-aprel kuni Toshkent metropoliteni Yer usti halqa yo‘lining 7-bekatida (Qo‘yliq) poyezdlar harakati to‘xtatiladi.

Shu kuni poyezdlar harakati Do‘stlik-2 — 6-bekat oralig‘ida tashkil etiladi.

143.0K views09:35
2023-04-16 12:01:44

Uy savdosini B-Tower-2022’ga ishoning!

Ko‘ngildagi uy-joyni topish muammo bo‘lganda ko‘p yillik tajribaga ega B-Tower-2022 brendi kompaniyasi sizga yordam beradi.

Kompaniya uy sotish va sotib olish, ijaraga uy topish va topshirish kabi xizmatlarni taklif etadi. Didingiz va hamyoningizga mosini B-Tower-2022’dan so‘rang!

Vaqt va qulaylikni qadrlaydiganlar uchun:

+998935560000
Kanalga a’zo bo‘lish
Reklama

141.9K viewsedited 09:01

2023-04-16 01:40:49 16-aprel, yakshanba (25-kun)
Saharlik vaqti: 04:19
Iftorlik vaqti: 19:05 (Toshkent vaqti)

Abu Vahbdan rivoyat qilinadi:

«Nabiy sollallohu alayhi vasallam:
«Anbiyolarning ismlarini qo‘yinglar. Alloh azza va jallaga eng mahbub ismlar Abdulloh va Abdurrahmondir. Eng sodiq ismlar Horis va Hammamdir. Eng qabih ismlar Harb va Murradir», dedilar».

Sharh: Farzandlarga ism qo‘yishda anbiyo alayhimussalomning ismlarini qo‘ygan afzal ekan.

Abdulloh va Abdurrahmon ismlari Alloh taologa eng mahbub, ya’ni sevimli ismlar ekan.

Horis ismida «kasb», «hosil jamlash», Hammam ismida «o‘ta himmatli» ma’nolari borligi uchun, bular eng sodiq ismlar deb atalgan ekan.
Ushbu hadisda Rasululloh sollallohu alayhi vasallam arablarda qo‘yish odat bo‘lgan ba’zi noqulay ismlarni ham bayon qilib o‘tganlar. Misol uchun, Harb – «urush» va Murra – «achchiq» degan ismlar. Demak, bunday yomon ma’noli ismlarni qo‘ymaslik kerak.

“Odoblar xazinasi” kitobidan

61.7K views22:40

2023-04-15 16:20:30 15-aprel, shanba (24-kun)
Iftorlik vaqti: 19:04 (Toshkent vaqti)

Ibn Abbosdan rivoyat qilinadi:

«Nabiy sollallohu alayhi vasallam:
«Solih hadiy, chiroyli ko‘rinish va tejamkor bo‘lish nabiylikning yetmish juzidan bir juzdir», dedilar».

Sharh: Solihlik hay’ati – go‘zal ko‘rinish, ya’ni ahli solihlarning ko‘rinishidir. Iqtisod – gap-so‘z, xatti-harakat va barcha ishlarda tejamkor bo‘lish. Albatta, bu kabi fazilatlar husni xulqdandir. Bu sifatlar nabiylik sifatlaridan bir juzdir.

“Odoblar xazinasi” kitobidan

119.7K views13:20
2023-04-15 15:38:06

Xohish bor, imkoniyat yo’q-da

Comments are closed, but trackbacks and pingbacks are open.