Press "Enter" to skip to content

Латиф Маҳмудов (1935)

Латиф Маҳмудов яратган сара асарлар рус, украин, белорус, латиш, эстон, грузин, озарбайжон, қозоқ, қирғиз, туркман, тожик тилларига ҳам таржима бўлган.

Latif Mahmudov haqida ma’lumot

Bolalar va oʻsmirlar adabiyotining taniqli vakillaridan biri Latif Mahmudovdir. U 1933 yilning 1 iyulida Toshkent shahar Mirobod mahallasida tugʻildi. Oʻrta Osiyo Davlat universiteti (hozirgi OʻzMU)ning filologiya fakulteti jurnalistika boʻlimida tahsil oldi (1951–1956). Mehnat faoliyatini Respublika radiosida muharrirlikdan boshlab, keyinchalik Bolalar va oʻsmirlar uchun eshittirishlar Bosh tahririyati Bosh muharriri vazifasida (1958–1978) xizmat qildi. 1979 yildan esa “Yosh gvardiya” (hozirgi “Yangi asr avlodi”) nashriyotida bolalar boʻlimi mudiri vazifasida xizmat qildi.
Ijodiy faoliyati 1956 yillardan boshlangan Latif Mahmudov “Qadrdon koʻzlar” (1961), “Vafo” (1963), “Chinor” (1964), “Qirgʻiy” (1965), “Shoʻx daryoning siri” (1966), “Bolalar shodligi” (1968), “Ikki dangasa sarguzashti” (1970), “Jasur bolalar” (1971), “Sirli xat” (1974), “Qopga yashiringan odam” (1979), “Eski dutor sirlari” (1980), “Sevgi desam” (2005) kabi oʻttizdan ortiq roman, qissa, hikoya va esselar kitoblari nashr etildi.
Latif Mahmudov dramaturg sifatida “Qirgʻiy olib qochgan bola”, “Ali-Vali”, “Muhim topshiriq”, “Sirli xat” kabi qator pyesalar yaratdi. Ular Yosh tomoshabinlar teatrlari sahnalarida hamon oʻynalib kelinadi. Shuningdek, bolalar va oʻsmirlar hayotidan olib yozilgan asarlari asosida kinofilmlar yaratildi.
Yozuvchining bir qator asarlari rus, ukrain, belorus, latish, eston, gruzin, ozarbayjon, qozoq, qirgʻiz, turkman, tojik tillariga tarjima qilingan.
Latif Mahmudovning “Togʻdagi lolalar” kitobi 1984 yilda Gʻafur Gʻulom nomidagi mukofotga sazovor boʻldi. 1977 yilda u “Oʻzbekiston Respublikasida xizmat koʻrsatgan madaniyat xodimi” unvoni, 2000 yilda “Sogʻlom avlod uchun” ordeni bilan taqdirlandi.

Foydalanilgan adabiyot

“Oʻzbek adiblari” (S. Mirvaliyev, R. Shokirova. Toshkent, Gʻafur Gʻulom nomidagi adabiyot va sanʼat nashriyoti, 2016) kitobidan.

Жизнь Лятифа Махмудова, творчество, творчество, деятельность, биография, подробная информация

Лятиф Махмудов – один из самых известных представителей детской и юношеской литературы. Родился 1 июля 1933 года в махалле Мирабад города Ташкента. Изучал журналистику в Среднеазиатском государственном университете (ныне Национальный университет Узбекистана) (1951–1956). Он начал свою карьеру в качестве редактора Республиканского радио, а затем работал главным редактором Детского и подросткового вещания (1958–1978). В 1979 году стал заведующим детским отделом издательства «Молодая гвардия» (ныне «Янги аср авлоди»).
Лятиф Махмудов начал свою карьеру в 1956 году произведениями «Дорогие глаза» (1961), «Вафо» (1963), «Чинор» (1964), «Волк» (1965), «Тайна Шох Дарьи» (1966). ), «Детская радость» (1968), «Приключения двух лентяев» (1970), «Отважные дети» (1971), «Таинственное письмо» (1974), «Человек, спрятавшийся в мешке» (1979) , «Тайны старого дутара» (1980), «Когда я говорю любовь» (2005) и более тридцати книг романов, рассказов, рассказов и эссе.
Как драматург Лятиф Махмудов создал ряд пьес, таких как «Мальчик, похитивший волка», «Али-Вали», «Важное задание», «Таинственное письмо». Их до сих пор ставят в театрах для юных зрителей. Также сняты фильмы по произведениям из жизни детей и подростков.
Ряд его произведений переведен на русский, украинский, белорусский, латышский, эстонский, грузинский, азербайджанский, казахский, киргизский, туркменский и таджикский языки.
Книга Лятифа Махмудова «Тюльпаны в горах» была удостоена премии имени Гафура Гулома в 1984 году. В 1977 году ему было присвоено звание «Заслуженный работник культуры Республики Узбекистан», в 2000 году он был награжден орденом «За здоровое поколение».

Sizni ushbu maqolalar ham qiziqtirishi mumkin:

  1. Mahkam Mahmudov haqida ma’lumot
  2. Oqiljon Husanov haqida ma’lumot
  3. Olim Otaxon haqida ma’lumot
  4. Sobir Mirvaliyev (1933–2019)
  5. Gulchehra Joʻrayeva haqida ma’lumot
  6. Barot Isroil haqida ma’lumot
  7. Togʻay Murod haqida ma’lumot
  8. Olim Qoʻchqorbekov haqida ma’lumot
  9. Omon Muxtor haqida ma’lumot
  10. Mashrab Boboyev haqida ma’lumot

Латиф Маҳмудов (1935)

Латиф Маҳмудов 1935 йилнинг 1 июл куни Тошкент шаҳар Миробод маҳалласида таваллуд топган. 1956 йили собиқ Ўрта Осиё Давлат университети (ҳозирги Миллий университет) филология факултетининг журналистика бўлимини 1956 йилда муваффақиятли битиргач, Республика радиосида меҳнат фаолиятини бошлайди. 1958 йили болалар ва ўсмирлар учун эшиттиришлар Бош таҳририяти ташкил этилади ва унга Бош муҳаррир этиб тайинланади. Латиф Маҳмудов бу вазифада қарийб йигирма йил фаолият кўрсатиб, 1979 йилдан собиқ «Ёш гвардия» (ҳозирги «Янги аср авлоди») нашриётида болалар адабиёти бўлимини бошқаради.

Латиф Маҳмудовнинг ижодий фаолияти 1956 йиллардан бошланган бўлиб, у асосан, болалар ва ўсмирлар учун ҳикоя, қисса, песа ҳамда киностсенарийлар яратди.

Шу кунгача адибнинг ўттиздан ортиқ китоблари нашр этилган.

Булар орасида «Қадрдон кўзлар» (1961), «Чинор» (1961) каби китоблари илк ижод намуналари сифатида қадрлидир. Шундан сўнг муаллифнинг «Икки ўртоқ» (1963), «Вафо» (1963), «Чинор» (1964), «Қирғий» (1965), «Шўх дарёнинг сири» (1966), «Болалар шодлиги» (1968), «Икки дангаса саргузашти» (1970), «Сирли хат» (1974), «Жасур болалар» (1971), «Қонга яширинган одам» (1979), «Эски дутор сирлари» (1980) каби ҳикоялар тўпламлари, қисса ва романлари талабчан болалар ҳамда ўсмирларнинг диди, руҳига мос келади. Латиф Маҳмудов драматург сифатида «Қирғий олиб қочган бола», «Али-Вали», «Муҳим топшириқ», «Сирли хат» каби бир қатор песалар яратган. Улар Ёш томошабинлар театрлари саҳналарида ҳамон ўйналиб келинади. Айни чоғда унинг болалар ва ўсмирлар ҳаётидан олиб ёзилган асарлари асосида бир қатор кинофилмлар яратилган.

Латиф Маҳмудов яратган сара асарлар рус, украин, белорус, латиш, эстон, грузин, озарбайжон, қозоқ, қирғиз, туркман, тожик тилларига ҳам таржима бўлган.

Адибнинг «Тоғдаги лолалар» китоби 1984 йилда Ўзбекистон Ёзувчилар уюшмасининг Ғафур Ғулом номидаги мукофотига сазовор бўлган. 1977 йилда унга «Ўзбекистон Республикасида хизмат кўрсатган маданият ходими» деган юксак унвон берилган. 2000 йилда «Соғлом авлод учун» ордени билан тақдирланган.

Comments are closed, but trackbacks and pingbacks are open.