Press "Enter" to skip to content

Salomatlik uchun eng zararli uchta mahsulot

Bularga temir, B12 vitamini, A vitamini, rux, selen va mis kiradi — bularning barchasi sizga va bolaga foydali.

Eng Zararli 10 Mahsulot

Kartoshka qanday ko‘rinishda tayyorlanishidan qat’i nazar, bu sabzavotning o‘zi foydali mahsulot hisoblanmaydi. Chipslar shaklida esa unda tabiiy moddalardn asar ham qolmaydi. Faqat kanserogenlar, yog‘lar, aromatizatorlar va ta’mni kuchaytiruvchi moddalar qoladi, xolos. Chipslarni tez-tez iste’mol qilish onkologik kasalliklarni va semirishni keltirib chiqaradi. Kartoshka-fri haqida ham xuddi shuni aytish mumkin.

2. Burgerlar va xot-doglar

Fast-fudning tez tayyorlanishi va arzonligidan tashqari boshqa biror bir ijobiy tomonini ayta olasizmi? Albatta, yo‘q. Och qorinni to‘ydirish uchun pishloq, sabzavotlar, salat barglari va krevetkalardan ham xuddi shunday buterbrod tayyorlash mumkin. Faqat unga qayla va mayonez solmang.

3. Shirin gazli ichimliklar

Pufakchalarga boy bo‘yalgan ichimlik suvda eritilgan guashdan ko‘ra zararliroq. Fast-fudni gazli suv bilan tamaddi qilish kerak, degan fikr mavjud, ammo bu unday emas: gazli ichimliklar ochlik hissini bo‘g‘adi va bu bilan yana bir gamburgerni yeyishga majbur etadi.

4. Mayonez va ketchup

So‘z do‘konda sotiladigan mayonez haqida bormoqda. Agar ushbu mahsulotni iste’mol qilish to‘xtatilsa, ikki haftadan keyin belingiz bir necha santimetrga kichrayganini sezasiz. Mayonezning yoniga ketchup va turli-tuman qaylalarni ham qo‘shish mumkin. Ularning tarkibida aromatizatorlar, yog‘lar va ta’mni kuchaytiruvchi sun’iy moddalar bor.

5. Tuz va qand

Tuzni ham, qandni ham “oq o‘lim” deyishlarini yaxshi bilamiz. Tuz organizmdagi suvning harakatiga to‘sqinlik qiladi va keraksiz joylarda to‘planib qoladi. Qand esa ozishni xohlovchilarning birinchi raqamli dushmani. Biroq ushbu mahsulotlardan butkul voz kechib ham bo‘lmaydi, ammo agar ovqatga kamroq tuz solinsa, tuz bilan buzilmagan mahsulotlarning tabiiy ta’miga tezda o‘rganib qolish mumkin. Qandni esa asalga almashtirsa bo‘ladi.

6. Kolbasalar, dudlangan mahsulotlar

Sosiskalar aynan nimadan tayyorlanganini va ular chiqarilganiga necha hafta bo‘lganini kim biladi? Go‘shtni tuzlash va dudlash uni uzoqroq saqlash uchun kerak xolos. Tabiiyki, vaqt o‘tishi bilan ulardagi foydali elementlar yo‘qoladi, ammo kolbasada o‘limtik zahar paydo bo‘lishi to‘xtamaydi. Biroq siz buni sezmaysiz, chunki unga turli aromatizatorlar va ta’mni kuchaytiruvchi moddalar qo‘shilgan-da.

7. Tez tayyorlanadigan ugra va pyure

Mol go‘shti, tovuq go‘shti, krevetkalar, qo‘ziqorinlar va qaylali spagetti – paketlardagi mo‘’jizaviy ovqatlarni ishlab chiqaruvchilar ana shunday shohona nonushta, tushlik va kechki ovqatni taklif etishadi. Aslida esa turli-tuman ovqatga qo‘shiladigan moddalardan iborat issiq “miks”ga ega bo‘lamiz. Bunday “kombikorm” muntazam ravishda iste’mol qilinganida organizmdagi tizim buziladi. Organizm ovqat va kaloriyalarni olganday bo‘ldi-yu, biroq ular moddalarning normal faoliyati uchun haqiqatan ham kerak bo‘lganidan juda kam miqdorda olinadi. Ozuqadan mahrum bo‘lgan organizm miyaga SOS signalini yuboradi va biz yana ovqatlanishni xohlaymiz. Ushbu ro‘yxatga yana bir talay konservantlar, stabilizatorlar, quyuqlashtiruvchi moddalar, emulgatorlar, bo‘yovchi moddalar va ta’mni kuchaytiruvchi moddalarni ham qo‘shadigan bo‘lsak, bu mahsulotda kimyoviy moddalardan boshqa hech narsa yo‘qligini tushunamiz.

8. Popkorn

Makkajo‘xorining o‘zi salomalik uchun mutlaqo xavfli emas. Ha, unda uglevodlar va kraxmallar bor, kaloriyasi ham oz emas – 100 gramm mahsulotda 330 kkal. Ammo uning tarkibida biriktiruvchi moddalar va yana bir talay foydali moddalar, xususan, A, S, Ye vitaminlari, tiamin, niatsin, foliy kislotasi, temir, kaliy, magniy, fosfor, rux moddalari bor. Agar popkorn shunchaki qovurilgan makkajo‘xori donlaridan iborat bo‘lganida edi, eng zararli mahsulotlar reytingidan o‘rin olmasdi. Biroq unga yog‘, tuz, shakar, karamelizatorlar, bo‘yovchi moddalar, ta’mni kuchaytiruvchi moddalar, aromatizatorlar qo‘shilganidan keyin hammasi o‘zgaradi. Aytganday, an’anaviy tuzli popkorndagi tuz moddasi shu darajada ko‘pki, bu kamida qon bosimining oshishiga va buyraklar faoliyatidagi buzilishlarga olib kelishi mumkin.

9. Spirtli ichimliklar

Bosh miya po‘stidagi degenerativ buzilishlar, jigarning shikastlanishi, onkologiya, genetik mutatsiyalar – bularning hammasini odamlar yaxshi biladi. Ichkilikka ruju qo‘ygan kishilar odatda o‘rtacha umrdan 10-15 yil kam yashaydi. Yuqorida sanab o‘tilgan kasalliklardan tashqari, ularni psixikaning buzilishi, depressiv holatlar ta’qib qiladi. Barcha suiqasdlarning uchdan bir qismi va avtohalokatlarning 50% aynan mast holatda yuz beradi.

10. Shokoladli batonchiklar va chaynaladigan konfetlar

Ushbu mahsulotlarning glikemik indeksi juda yuqori, ya’ni ularning tarkibidagi qand moddasi deyarli shu zahotiyoq o‘zlashtiriladi. Ularda asal va quruq mevalardan farqli o‘laroq birortayam foydali modda yo‘q. Bundan tashqari, yorqin rangli so‘riladigan qandlar, shakar-qiyomli konfetlar va chaynaladigan marmeladlarni oziq-ovqat mahsuloti deb atash ham qiyin. Ular qand o‘rnini bosuvchi moddalar, stabilizatorlar, quyultiruvchi, jelelovchi, bo‘yovchi moddalar, emulgatorlar va hokazolarning aralashmasidan iborat.

turfaolam.com

Oxshash xabarlar:

  • Yurak uchun eng zararli 7 mahsulot
  • Dunyodagi eng ko’p sotilgan mahsulot.
  • Miya uchun eng foydali va zararli mahsulotlar ma’lum qilindi
  • Eng zararli fast-fud taomlari
  • TOP 5 eng zararli ozuqa mahsulotlari
  • Kamida 5 yoshga yoshartiruvchi 7 mahsulot
  • Oqsilga boy bo‘lgan 10 mahsulot
  • Qalqonsimon bez faoliyatini yaxshilaydigan 9 mahsulot
  • KO’RISH O’TKIRLIGINI OSHIRUVCHI 9 MAHSULOT
  • Dorilar o‘rnini bosa oluvchi 10 ta mahsulot. Siz uni…
  • Xotirani yaxshilashga yordam beruvchi TOP-5 mahsulot
  • Erkak kuchi uchun 10 mahsulot
  • Gemoglobin pasayganda yeyish zarur bo‘lgan 5 mahsulot
  • Koʻrish oʻtkirligini yaxshilash uchun TOP 5 mahsulot
  • Qarishga qarshi 3 ta mahsulot!

Salomatlik uchun eng zararli uchta mahsulot

Ba’zi mahsulotlarni butkul zararli yoki foydali deb bo‘lmaydi, shunchaki me’yoridan ortiq iste’mol qilish ma’lum oqibatlarga olib kelishi jihatidan ularni kamaytirish tavsiya qilinishi mumkin. Lekin quyidagi uch mahsulot qanchalik kam iste’mol qilinmasin, salomatlikka zarar keltiraveradi.

Qovurilgan kartoshka

Foto: “Yandeks Dzen”

Qovurilgan kartoshka (chips) — foydali mahsulotni zararliga aylantirish mumkin ekanining yaqqol isboti. Quyida chipslarning nima uchun zarar ekaniga to‘xtalib o‘tamiz.

Kaloriya miqdori ko‘p bo‘ladi

80 gr chipsda 400-420 kaloriya bo‘lishiga qaramay insonni to‘q tutish xususiyatiga emas, balki ishtahasini ochadi. Uning o‘rniga kaloriyaga boy, ammo foydali taom, masalan, go‘shtni dimlab, garnir sifatida sabzavotlarni yeyish tavsiya qilinadi.

Kanserogen moddalar

Yuqori darajadagi yog‘da qovurish jarayonida kartoshkada oshqozon-ichak, jigar va buyraklarni zararlaydigan akrolein va akrilamid hosil bo‘ladi. Organizmning muntazam ushbu moddalarni qabul qilishi oqibatida esa saraton paydo bo‘lish xavfi yuqori bo‘ladi.

Trans-yog‘lar

Trans-yog‘lar ham qovurilish oqibatida yuzaga keladi va qon tomiri devorlarini zararlab, yurak-qon tomir kasalliklariga olib keladi.

Mayonez

Foto: “Yandeks Dzen”

Uy mayonezi o‘simlik yog‘i, tuxum sarig‘i, xantal va ziravorlardan tayyorlanadi va uning zarari kaloriya miqdori yuqoridaligida bo‘ladi. Siz do‘kondan xarid qiladigan mayonez tarkibida esa qon tomirlari uchun zararli trans-yog‘lar, oshqozonosti bezi uchun zararli bo‘lgan quyiltirilgan E-1422 qo‘shimchasi, quritilgan tuxum sarig‘i shuningdek, konservantlar, “krasitel”, sun’iy ifor beruvchi aromatizatorlar va shakar qo‘shilgan bo‘ladi. Bularning bari esa hazm jarayonining buzilishi va boshqa bir qancha kasalliklarga olib keladi. Shu bois ham mayonezni uy sharoitida tayyorlash yoki o‘rniga smetana, soya sousi, limon sharbatidan foydalanish tavsiya qilinadi.

Shokolad batonchalari

Foto: “Yandeks Dzen”

Chips, mayonez, kolbasa yoki shirinliklarda zig‘ircha bo‘lsa ham oqsil yoki vitamin bo‘lishi mumkin, shokolad batonchalari esa kaloriya konidan boshqa narsa emas. Uning tarkibida shakar, palma yog‘i, kimyoviy qo‘shimchalar limmo-lim. Karamel qo‘shilgani esa tish emalining yemirilishi va kariyes kelib chiqishiga sabab bo‘ladi. Shuningdek, bunday batonchalar qorinni to‘q tutish xususiyatiga ham ega emas. Yarim soatga ishtahangiz bo‘g‘ilishi mumkin, keyin esa avvalgidan ham ko‘proq narsa yegingiz keladi.

  • Tarkibida siz o‘ylagandan ham ko‘p shakar bo‘lgan 10 mahsulot
  • Ozishga yordam beradigan ziravorlar
  • Hech ham ozmaslikka nima sabab bo‘lishi mumkin?
  • To‘yimli nonushtadan keyin ham ochlikni his qilishning sababi nimada?

Homiladorlikda nimalar mumkin emas? Eng zararli 11 mahsulot

Yangilangan Lalu mobil ilovasini yuklab oling. Lalu orqali ham homiladorlikni nazorat qilib borishingiz ham chaqaloqni parvarish qilish koʻnikmalarini egallab, kichkintoyingizning rivojlanishini kuzatib borishingiz mumkin.

Ha aytgancha, Lalu endi Iphonechiʻlar uchun ham mavjud.

Ayollar homilador bo‘lgach yuzaga keladigan ilk savollaridan biri «Homiladorlikda nimalar mumkin emas? Qaysi mahsulotlar homilaga zarar keltiradi?» kabi bo‘ladi. Ushbu savollarga javob topib, ular yeyish mumkin bo‘lgan va bo‘lmagan mahsulotlar ro‘yxatini bilib olishlari lozim.

Yaxshiyamki, siz isteʼmol qilishingiz taʼqiqlangan narsalarga qaraganda yeyishingiz mumkin bo‘lgan mahsulotlar ko‘proqdir. Homiladorlikda o‘zingiz va rivojlanayotgan homilaning sog‘ligini saqlash uchun taomnomangizga diqqat bilan eʼtibor berishingiz lozim. Bunday mushkul ishda sizga haftalik tavsiyalari bilan «Lalu — Homiladorlik kalendari» mobil ilovasi yordam berishi mumkin.

Baʼzi oziq-ovqatlarni kam isteʼmol qilinishi kerak, boshqalaridan esa butunlay voz kechish shart bo‘ladi. Quyida homiladorlik vaqtida saqlanish yoki kamaytirish zarur bo‘lgan 11 ta oziq-ovqat va ichimliklar haqida maʼlumot berib o‘tamiz.

Chala pishirilgan, xom va qayta ishlangan go‘sht

Xom baliq bilan bog‘liq baʼzi bir muammolar pishmagan go‘shtga ham tegishli. Pishirilmagan yoki xom go‘shtni isteʼmol qilish toksoplazma, E. soli, listeriya va salmonella kabi bir qancha bakteriya yoki parazitlar yuqtirish xavfi oshadi.

Bakteriyalar kichkintoyning sog‘lig‘iga jiddiy tahdid solishi mumkin: og‘ir asab kasalliklari, shu jumladan intellektual nogironlik, ko‘rlik va epilepsiyaga olib kelish ehtimoli bor.

Ko‘pgina bakteriyalar go‘sht bo‘laklari yuzasida joylashgan bo‘lsa, boshqa bakteriyalar mushak tolalari ichida yashashi mumkin.

Qo‘zichoq va buzoq go‘shtidan olingan mayda bo‘laklar yoki qovurg‘a kabi go‘shtning to‘liq bo‘laklarini oxirigacha pishmagan holda isteʼmol qilish xavfsiz bo‘lishi mumkin. Biroq, faqat go‘sht bo‘lagi tashqi tomondan to‘liq pishganidagina qo‘llanilishi mumkin.

Go‘shtli piroglar, burgerlar, qiyma va parranda go‘shtlarini hech qachon xom yoki pishmagan holda isteʼmol qilmaslik kerak. Shuning uchun, burgerlarni yaxshi pishgunga qadar panjara ustiga qo‘ying.

Xot-doglar, kolbasa mahsulotlari, muzlatilgan yarim tayyor go‘shtlar ham qayta ishlash yoki saqlash paytida turli xil bakteriyalarni yuqtirishi mumkin.

Xom tuxum

Xom tuxum salmonella bakteriyasi bilan zararli bo‘lishi mumkin.

Salmonella infeksiyasining alomatlari orasida isitma chiqishi, ko‘ngil aynish, qusish, oshqozon spazmi va diareya mavjud. Kamdan-kam hollarda infeksiya bachadon spazmini keltirib chiqarishi mumkin, bu erta tug‘ilish yoki o‘lik tug‘ilishga olib keladi.

Xavfsiz bo‘lishi uchun har doim tuxumni yaxshilab pishiring yoki pasterizatsiya qilingan tuxumlardan foydalaning. Sarig‘i yaxshi pishmagan tuxum va uyda tayyorlangan mayonez kabi mahsulotlar isteʼmolidan to‘liq cheklaning.

Hayvonlar organlari

Hayvon organlari go‘shti turli xil ozuqa moddalarining ajoyib manbasi hisoblanadi.

Bularga temir, B12 vitamini, A vitamini, rux, selen va mis kiradi — bularning barchasi sizga va bolaga foydali.

Ammo homiladorlik paytida hayvonlarga asoslangan A vitaminini juda ko‘p qabul qilish tavsiya etilmaydi.

Hayvon organlarini isteʼmoli orqali A vitaminini juda ko‘p qabul qilish, ayniqsa homiladorlikning birinchi trimestrida, tug‘ma nuqsonlar va homilaning tushishiga olib kelishi mumkin.

Yuqori simobli baliqlar

Simob juda zaharli element hisoblanadi. Taʼsir etuvchi manbaning xavfsiz darajasi maʼlum emas va u ko‘proq ifloslangan suvda uchraydi.

Simob asab, immunitet tizimi va buyraklari uchun zaharli bo‘lishi mumkin. Bundan tashqari, bu bolalarda jiddiy rivojlanish muammolarini keltirib chiqarishi, hatto kam miqdori ham salbiy taʼsir ko‘rsatishi mumkin.

U iflos dengizlarda ko‘p uchraganligi sababli, yirik dengiz baliqlari tanalarida ko‘p miqdorda simob to‘playdi. Shuning uchun, homiladorlik paytida va emizishda yuqori miqdordagi simobli baliqlardan saqlanish shart.

Siz umuman isteʼmoldan chiqarishingiz lozim bo‘lgan tanasida yuqori simobli baliq turlarga quyidagilar kiradi:

  • akula;
  • qilich-baliq;
  • qirmizi skumbriya;
  • orkinos (ayniqsa katta tuna);
  • marlin;
  • Meksika ko‘rfazidan plitka baliqlari.

Muhimi shundaki, bizning mamlakatda bu kabi baliq turlari yo‘q. Biroq turli yemakxonalarda ushbu baliq turlari taklif qilinmoqda.

Shuni taʼkidlash kerakki, barcha baliqlar ham zararli emas.

FDA tashkiloti taʼkidlashiga ko‘ra, homiladorlik paytida kam simobli baliqlarni isteʼmol qilish foydali va bu baliqlarni haftasiga uch martagacha isteʼmol qilish mumkin.

Kam simobli baliqlar juda ko‘p va quyida baʼzilarini sanab o‘tamiz:

  • treska;
  • qalqonbaliq;
  • losos (go‘shti qizil baliq);
  • tilapiya;
  • forel.

Ayniqsa, losos kabi yog‘li baliqlar isteʼmol uchun yaxshi variantdir, chunki ular tarkibida bolangiz uchun muhim bo‘lgan omega-3 yog‘ kislotalari ko‘p.

Chala pishgan yoki xom baliq

Bu sushi muxlislari uchun qiyin bo‘ladi, ammo bu juda muhim. Xom baliqlar, ayniqsa, qisqichbaqasimonlar bir nechta infeksiyalarni keltirib chiqarishi mumkin. Ular oqibatida norovirus, vibrio, salmonella va listeriya kabi virusli, bakterial yoki parazitar infeksiyalar yuzaga kelishi mumkin.

Ushbu infeksiyalar taʼsir qilishi oqibatida ona organizmida suvsizlanish va quvvatsizlikni keltirib chiqaradi. Baʼzi infeksiyalar esa, bola rivojiga salbiy taʼsir etib, hattoki o‘limga olib keladigan holatlarga olib kelishi mumkin.

Homilador ayollar, ayniqsa, listeriya infeksiyasiga moyil hisoblanishadi. Darhaqiqat, CDC markazining maʼlumotlariga ko‘ra, homilador ayollarda listeriya yuqtirish ehimolligi aholining boshqa qismiga nisbatan 10 baravar yuqori ekan.

Ushbu bakteriyalar tuproqda va ifloslangan suvda, o‘simliklarda bo‘lishi mumkin. Xom baliqlar qayta ishlanayotgan paytda, shu jumladan dudlanish yoki quritish paytida ham bakteriya yuqishi mumkin.

Listeriya bakteriyalari yo‘ldosh orqali homilaga ham yuqishi mumkin. Bu esa, muddatidan oldin tug‘ilish, homila tushishi, homila nobud bo‘lishiga va boshqa jiddiy muammolariga olib kelishi mumkin.

Bu, albatta, sushi taomlarini, shu jumladan, xom baliq va qisqichbaqasimon baliqlar isteʼmolidan qochish tavsiya etiladi. Agar ushbu mahsulotlar muxlisi bo‘lsangiz, xavotir olmang bola tug‘ilgandan keyin oilaviy shifokoringiz bilan maslahatlashib, ushbu mahsulotlarni isteʼmol qilishingiz mumkin.

Kofein

Siz kofe, choy, alkogolsiz ichimliklar yoki kakaoni yaxshi ko‘radigan millionlab odamlardan biri bo‘lishingiz mumkin. Kofeinga bo‘lgan muhabbat haqida gap ketganda, albatta siz yolg‘iz emassiz. Biroq homiladorlik vaqtida ularning isteʼmolini kamaytirishingiz maqsadga muvofiqdir.

Amerika akusherlik va ginekologlar kolleji maʼlumotlariga ko‘ra, odatda homiladorlarga kofeinni kuniga 200 milligramm (mg) dan kam miqdorda isteʼmol qilish tavsiya etiladi.

Kofein juda tez singadi va platsentaga osonlikcha o‘tadi. Chaqaloqlar va ularning platsentalarida kofein metabolizmi uchun zarur bo‘lgan asosiy ferment mavjud emasligi sababli, yuqori darajadagi birikmalar paydo bo‘lishi mumkin.

Homiladorlik paytida kofeinni yuqori darajada isteʼmol qilish homila o‘sishini cheklashi va tug‘ilish paytida kam vazn bilan tug‘ilish xavfini oshirishi isbotlangan.

Tug‘ilishning past vazni 2,5 kg dan kam bo‘lsa, go‘dak o‘limiga yoki ulg‘ayganida surunkali kasalliklar paydo bo‘lishi kabi xavfning oshishiga olib keladi.

Shunday qilib, bolada kofein miqdori ko‘paymasligi uchun kunlik kofe va gazli ichimlik isteʼmolini maksimal darajada kamaytirishingiz lozim.

Xom novdalar

Sog‘liqqa foydali deb tanlagan salatingiz ham zararli tarkibiy qismlardan xoli bo‘lmasligi mumkin. Xom o‘simliklar, shu jumladan ko‘katlar, ismaloq, rediska va mosh yoki loviya kabi mahsulotlar salmonella bilan zararlangan bo‘lishi mumkin.

Urug‘larni unib chiqishi uchun zarur bo‘lgan nam muhit bu turdagi bakteriyalar uchun ayni muddao va ularni ushbu bosqichda yo‘qotishning deyarli imkoni yo‘q.

Shu sababli sizga bunday mahsulotlardan butunlay voz kechish tavsiya etiladi. Bunday ko‘katli mahsulotlar ovqatda, yog‘da yaxshi pishganidan keyin ularni isteʼmol qilish xavfsizdir.

Yuvilmagan mahsulot

Yuvilmagan yoki tozalanmagan meva va sabzavotlarning yuzasi bir nechta bakteriya va parazitlar bilan ifloslangan bo‘lishi mumkin.

Bularga toksoplazma, E. soli, salmonella va listeriya kiradi, ular tuproqdan yoki ishlov berish vaqtida yuqtirilishi mumkin.

Bakteriya yuqishi har qanday vaqtda: ishlab chiqarish, yig‘ish, qayta ishlash, saqlash, tashish yoki chakana savdo paytida yuz berishi mumkin. Meva va sabzavotlarda qolishi mumkin bo‘lgan xavfli parazitlardan biri toksoplazma deb ataladi.

Toksoplazma bilan kasallangan odamlarning ko‘pchiligida hech qanday alomat sezilmasligi, biroq ayrimlar o‘zlarini bir oy yoki undan ko‘proq vaqt davomida grippga chalingandek his qilishlari mumkin.

Toksoplazma bakteriyalarini yuqtirgan ko‘pchilik chaqaloqlarda tug‘ilish paytida hech qanday alomat bo‘lmaydi. Biroq, ko‘rlik yoki intellektual nogironlik kabi alomatlar chaqaloq hayotida keyinchalik rivojlanishi mumkin.

Homiladorlikda, meva va sabzavotlarni suv bilan yaxshilab yuvish, tozalash yoki bug‘da pishirish orqali infeksiyalarni yuqtirish xavfini kamaytirish juda muhimdir. Chaqaloq tug‘ilganidan keyin ham buni odat qilib olishingiz lozim.

Pasterizatsiya qilinmagan sut, pishloq va meva sharbati

Xom sut, pasterizatsiya qilinmagan pishloq va yumshoq pishloqlarda listeriya, salmonella, E. soli va Campylobacter kabi zararli bakteriyalar mavjud.

Xuddi shu narsa qaynatilmagan sharbatga ham tegishli bo‘lib, u ham bakterial ifloslanishga juda moyil. Ushbu infeksiyalarning barchasi tug‘ilmagan chaqaloq hayoti uchun xavfli oqibatlar olib kelishi mumkin.

Bakteriyalar tabiiy ravishda paydo bo‘lishi yoki yig‘ish, saqlash paytida ifloslanishidan kelib chiqishi mumkin. Pasterizatsiya mahsulotlarning ozuqaviy qiymatini o‘zgartirmasdan zararli bakteriyalarni yo‘q qilishning eng samarali usuli hisoblanadi.

Yuqtirish xavfini minimallashtirish uchun faqat pasterizatsiyalangan sut, pishloq va meva sharbatini isteʼmol qiling.

Spirtli ichimliklar

Homiladorlikda spirtli ichimliklar ichishdan butunlay voz kechish shart, chunki bu homilaning tushishi va o‘lik tug‘ilish xavfini oshiradi. Hatto ozgina miqdori ham chaqalog‘ingizning miya rivojlanishiga salbiy taʼsir ko‘rsatishi mumkin.

Homiladorlik paytida spirtli ichimliklar ichish homilaning alkogol sindromini keltirib chiqarishi mumkin, bu yuzning deformatsiyalari, yurak nuqsonlari va intellektual nogironlik rivojlanishiga sabab bo‘ladi.

Qayta ishlangan zararli ovqatlar

Sizga ham, o‘sayotgan kichkintoyingizga ham yordam berish uchun vitamin va minerallarga boy ovqatlarni isteʼmol qilish lozim.

Aytgancha, homiladorlikda ayol “ikki kishili uchun ovqat yeyishi kerak” degan gap ham bir cho‘pchak. Siz birinchi semestrda odatdagidek, keyin ikkinchi trimestrda kuniga 350 kaloriya va uchinchi trimestrda kuniga taxminan 450 kaloriyaga ko‘payitirib, mos ravsihda ovqatlanishingiz mumkin.

Homiladorlikning optimal ovqatlanish rejasi asosan to‘liq oziq-ovqat mahsulotlaridan iborat bo‘lishi kerak, bu sizning va chaqaloqning ehtiyojlarini qondirish lozim. Qayta ishlangan oziq-ovqatlar, odatda, mineral va vitaminlarni o‘z ichiga to‘liq qamrab olmagan. Shuningdek, baʼzida ular yog‘ va shakarlarga boy bo‘lib, ular sizga zararli taʼsir etib, ortiqcha vazn yig‘ishingizga taʼsir etishi mumkin.

Homiladorlik paytida ortiqcha vazn ortishi ko‘plab asoratlar va kasalliklarga sabab bo‘ladi. Bularga homiladorlik qandli diabeti xavfining ko‘payishi, shuningdek homiladorlik yoki tug‘ilishning baʼzi asoratlari kiradi.

Proteinga boy mahsulotlar va yengil tamaddilar ko‘proq taomnomangizdan joy olsin. Sabzavotlar, mevalar va dukkakli mahsulotlar (mosh, no‘xat, loviya) shular jumlasidandir. Albatta, ularni isteʼmol qilishdan avval yaxshilab tozalash lozim.

Xulosa qilib aytadigan bo‘lsak, homiladorlik davrida sog‘likni nazorat qilib borish muhim ahamiyatga ega. Shu sababdan ham siz va bolangizga xavf tug‘diradigan oziq-ovqat hamda ichimliklardan saqlanish juda muhimdir.

Garchi ko‘pchilik ovqatlar va ichimliklar isteʼmol uchun mutlaqo xavfsiz bo‘lsada, baʼzilari, masalan, xom baliq, pasterizatsiya qilinmagan sut mahsulotlari, alkogol va yuqori simobli baliqlardan saqlanish lozim.

Qolaversa, kofe va shakar miqdori ko‘p bo‘lgan baʼzi oziq-ovqat mahsulotlari, ichimliklar sog‘lom homiladorlikni davom ettirish uchun cheklanishi zarur.

Ushbu maqola orqali «Homiladorlikda nimalar mumkin emas?», degan savolingizga javob topdingiz, deb o‘ylaymiz.

Agar homiladorlik borasida ko‘proq foydali maʼlumotlarni olishni istasangiz, loyihamizning “Homiladorlik” bo‘limini kuzatib boring hamda mobil ilovamizni telefoningizga o‘rnatib oling.

  • Метки Birinchi trimestr, Homiladorlik, Homiladorlikda ovqatlanish, Ikkinchi trimestr, Maqolalar, Uchinchi trimestr

Comments are closed, but trackbacks and pingbacks are open.