Press "Enter" to skip to content

Qadr kechasini munosib o‘tkazish uchun o‘n tavsiya

Qadr kechasi kelajakning xayrli rejalarini o‘ylash uchun ham qulay fursat. Albatta, ibodatlardan keyin. Zero, bu kechadan keyin o‘zgacha hayot boshlanadi, inshaalloh.

Qur’onda duo qanday anglatilgan?

Chaqirish, nido qilish, istash, yordam so‘rash ma’nolarini bildirgan duo, Qur’onga ko‘ra bandaning butun vujudi bilan Allohga iltijosi yoki imkoniyatlari cheklangan mavjudod – insonning, hamma narsaga qodir Zot qarshisida ojizlik bilan munojot qilishidir. Allohga iymon keltirgan har bir kishining duo qilishi bir haqiqat. Faqat ba’zilar duoni so‘nggi chora sifatida, barcha imkoniyatlarni ishga solib, o‘ylagani amalga oshmagandan keyingina qo‘llashi lozim bo‘lgan imkon sifatida ko‘rishadi. Bundaylar qiyin ahvoldan chiqqach, boshlariga yana bir mashaqqat tushmaguncha Allohni yod etish hayollarining chetidan ham o‘tmaydi. Ayrim toifa odamlarning esa duo haqida tushunchalari juda yuzaki. Ularning nazdida duo bolalikdan e’tiboran oilaning yoshi ulug‘ a’zosi tomonidan o‘rgatiladigan jumlalardir. Bundaylar duoda Allohning borligi, birligi, buyukligi, hamma narsaga qodirligi, bandalarining ahvolidan doimiy ogohligi, duolarining qabul bo‘lish-bo‘lmasligi haqidagi tushunchalarga mutlaqo ega emaslar. Oldindan yod olingan duo qolipidan tashqariga chiqmaydilar.

Qur’on ilmiga ko‘ra duo qilish – Allohga bog‘lanishning eng oson yo‘li. Keling endi, Allohning sifatlarini bir o‘ylaylik. U insonga jon tomirlaridan ham yaqin, hamma narsani eshituvchi, ko‘ruvchi Zotdir. Insonning qalbidan o‘tgan har qanday fikr Allohning nazaridan chetda qolmaydi.

Inson Allohning ojiz, Uning yordamiga doimiy muhtoj bandasi ekanligini bilib yashasa, har doim Allohning u bilan birga ekanligi, qalbida yashiringan zarradek tuyg‘ularidan ham boxabarligi, orzu-niyatlarini Alloh yuzaga chiqarayotganini yurak-yurakdan his qiladi. Shu sababli inson mudom Allohga samimiyat bilan gunohlarini, xatolarini e’tirof etishi, O‘zidan yordam so‘rab qalban yuzlanishi lozim. Buning aksini qilgan kimsalar Allohga qarshi kibrlangan hisoblanib, Qur’onda buning jazosi jahannam ekanligi bayon qilingan.

Aslida insonlarning bari duoga ehtiyoj sezadilar. Faqir va nochor ahvolda yashayotgan insonning badavlat insonga qaraganda duoga ko‘proq ehtiyoj sezadi deb o‘ylash, duo haqida noto‘g‘ri tushunchaga ega kishilarning fikri. Hamma narsasi bor, barcha maqsadlariga yetishgan kishining duoga hech ehtiyoji yo‘q deb o‘ylash ham noto‘g‘ridir. Chunki bunday holda duo qilishning yagona sababi dunyoviy orzularga erishish bo‘lib qoladi. Vaholanki, mo‘minlar ham dunyo, ham oxiratlari uchun duo qiladilar. Duo qiluvchi yuzaga kelgan har qanday holatni, har qanday voqealarni koinotning yaratuvchisi va hokimi bo‘lgan Allohga havola qiladi. Muammolarning yechimini topish uchun intilish, Allohga duo qilish, ishlarining xayrli yakunini Allohga havola etish bilan birga, sabr qilish ham rohat manbaaidir.

Eng oxirgi marta Allohga qachon duo qilganingizni eslaysizmi? Bu savolga turlicha javob olinishi tabiiy. Insonlar albatta, hamma joyda, har qanday vaziyatda, barcha istaklarining ro‘yobi uchun Allohga duo qiladilar. Ammo iymon keltirganlarning har qanday vaziyatda ham Allohga duo qilishlari haqida Qur’onda alohida e’tibor qaratilgan:

“Robbimiz, buni bekorga yaratganing yo‘q, O‘zing poksan, bizni o‘t azobidan saqlagin. Robbimiz, albatta, Sen kimni do‘zaxga kiritsang, batahqiq, uni sharmanda qilibsan. Va zolimlarga yordam beruvchilar yo‘q. Robbimiz, biz nido qiluvchining: “Robbingizga iymon keltiring!”- deb nido qilayotganini eshitdik va iymon keltirdik. Robbimiz, bizning gunohlarimizni kechirgin va yomonliklarimizni o‘chirgin hamda yaxshilar bilan birga o‘ldirgin. Robbimiz, bizga Payg‘ambarlaringga va’da qilgan narsalaringni bergin va bizni qiyomat kuni sharmanda qilmagin. Albatta, Sen va’daga xilof qilmasan. Robbilari ularning (duolarini) ijobat qilib: “Men sizlardan erkagu ayol amal qiluvchining amalini zoye qilmasman” (“Oli Imron”, 191-195).

Bular bilan yonma-yon duoning eng go‘zal, eng maqbul shakli borki, Qur’onda ular bayon qilingan.

“Qur’oni karimga ko‘ra duo” kitobidan

Qadr kechasini munosib o‘tkazish uchun o‘n tavsiya

Alloh taologa beadad hamdu sanolar, Rasululloh sollallohu alayhi vasallam va ularning ahli oilalari, sahobai kiromlarga cheksiz salotu salomlar bo‘lsin!

Muborak Ramazon oyida shunday kecha borki, u Qur’oni Karimda “Ming oydan afzal” deya ta’riflanadi.

Payg‘ambarimiz sollallohu alayhi vasallam Ramazonning boshqa kunlaridan ko‘ra so‘nggi o‘n kechayu kunduzda toat-ibodatga qattiq kirishganlar.

Mo‘minlar onasi Oysha roziyallohu anho Payg‘ambarimiz sollallohu alayhi vasallamdan Qadr kechasini Ramazonning so‘nggi o‘n kunligi ichidagi toq sonli kunlardan izlash haqida hadis rivoyat qilganlar.

Rasululloh sollallohu alayhi vasallam: “Kim Qadr kechasini fazilatiga ishongan holda va savobini faqat Allohdan istab toat-ibodat bilan o‘tkazsa, oldingi gunohlari kechiriladi” deya marhamat qiladilar.

(Abu Hurayra roziyallohu anhodan rivoyat qilinadi. Buxoriy, Muslim)

Bu muborak kechani munosib tarzda, Alloh rozi bo‘ladigan solih amallar bilan o‘tkazish uchun ayrim tavsiyalarimizni siz bilan bo‘lishishni lozim ko‘rdik.

1. Alloh uchun dunyo ishlaridan orom olamiz.

Hayotda ko‘p narsalar uchun vaqt topamiz, nega endi Alloh va uning roziligi uchun vaqt topmasligimiz, quvvat yig‘masligimiz kerak? Qadr kechasidan bir necha kun oldin o‘zingizga dam bering. Saharlik va iftorlikda hazmi yengil ammo quvvatli yeguliklardan iste’mol qiling. Ishxonangizdan bir necha kunga o‘z hisobingizdan ta’til olsangiz ham yaxshi bo‘ladi. Uy-ro‘zg‘or ishlaridan ham biroz dam oling. Qadr kechasi ibodatlarda tetik turish uchun quvvat yig‘ing.

2. Qadr kechasi maxsus duoni o‘qishni unutmang.

Oysha roziyallohu anhodan shunday rivoyat qilinadi: “Ey Rasululloh, Qadr kechasida qanday duo qilinadi?” Rasululloh sollallohu alayhi vasallam shunday marhamat qildilar: “Allohim, Sen gunohlarni kechirguvchisan, gunohlarni kechirishni sevasan! Mening gunohlarimni afv etgin!

(Ahmad, Ibn Moja va Termiziy rivoyat qilgan)
Duoning o‘qilishi: Allohumma innaka afuvvun karimun tuhibbul afva af’fu annii.
3. Qur’on o‘qing.

Oyatlarning ma’nolariga diqqat qilib Qur’on o‘qing. Agar bugungacha Qur’on o‘qishni o‘rganishga harakat qilgan bo‘lsangiz, Qadr kechasi amaliyot uchun qulay payt. Oyatlar mazmun-mohiyatini o‘rganib, hayotingizga tadbiq qilishni niyat qiling.

4. Gunohlardan butkul tiyiling!

Astoydil tavba qiling. Shunchaki, tilda emas, chin ko‘ngildan pushaymon bo‘lib, gunohlardan tiyilishni niyat qiling. Yod olganingiz qisqa suralar bilan emas, uzun suralar bilan fayzli-xushu’li namoz o‘qishga harakat qiling.

5. Istaklaringiz uchun duo qiling.

Alloh taolodan nimalarni istashingizni aniqlab oling. Dunyo va oxiratingiz uchun nimaiki istasangiz, katta-kichik demay, istaklaringizni jamlang. Robbimiz bandalarining duo bilan Undan har neki ehtiyoji bo‘lsa so‘rashini sevadi. Niyatlaringiz ro‘yobini istab Allohga duolar qiling.

6. O‘zingizni taftish qiling.

Sizdan siz haqingizda so‘ralishi kerak bo‘lgan hech kim so‘ray olmagan savollarni o‘zingizdan so‘rang. Qayerdan kelib, qayerga ketayotganingizni taftish qiling. Bu taftish shu kungacha qilgan yaxshiliklaringiz uchun o‘zingizdan mamnunlik va yomonliklaringiz uchun pushaymonlik his ettirsin.

7. Uzun va ixlosli duolar qiling.

Qadr kechasining eng afzal onlaridan biri tunning oxirgi qismidir. Saharlikdan bir-bir yarim soat oldin chiroyli tahorat oling va halol bo‘lgan har istagingizni Alloh taolodan so‘rab duolar qiling. Ixlos va samimiyat bilan sunnatdagi duolar va o‘z istaklaringizni istaganingizcha so‘rang.

8. Oilangiz bilan iftorlik qiling.
Qadr kechasida imkon qadar ahli oilangiz bilan, o‘z xonadoningizda iftorlik qilganingiz ma’qul.
9. Rasululloh sollallohu alayhi vasallam hayotlaridan ibratli hikoya o‘qing.

Habibulloh Muhammad sollallohu alayhi vasallam hayotlariga oid qissalardan birini o‘qing, ul Zotga bo‘lgan muhabbatingizni orttiring.

10. Kelasi Ramazongacha qiladigan ishlaringizni niyat qiling

Qadr kechasi kelajakning xayrli rejalarini o‘ylash uchun ham qulay fursat. Albatta, ibodatlardan keyin. Zero, bu kechadan keyin o‘zgacha hayot boshlanadi, inshaalloh.

Энг чиройли дуо

“Пайғамбаримиз Муҳаммад салаллоҳу алайҳиссалом ДУО ҳам ИБОДАТдир деб марҳамат қилганлар.
Пайғамбаримиз алайҳиссалом “НАМОЗлари сўнгида ушбу ДУОни ўқиганлар.

~Эй Роббимиз, бизга бу ДУНЁДА ҳам охиратда ҳам яхшиликни бергин ва бизни(дўзах)азобидан сақлагин.

“Илохо, мен Сендан хидоят, тақво,иффат ва бировга (мухтож) бўлмаслик холатини сўрайман.
Аллоҳим мени афу эт, ёрлақа, тўғри йулдан бошла, менга офият бер, халолидан ризқлантир.

ҚАЛБларимизни ризолигингга уйғун бўлган амал ва-ИБОДАТга томон йуналтир.

Парвардигор, дош
бериб бўлмайдиган (балодан), инсонни (ўлимга)қадар судраб борувчи мушқулотга ДУЧ келишдан, бало қазодан ва душманларни
қувонтирадиган бир мусибатга рўбару бўлишдан Сенинг «ПАНОХингга сиғинаман.

Илоҳо ожиз қолишдан,дангасаликдан,
қўрқоқликдан, (алжиратиб) қўйвчи қариликдан,хасталикдан,ҚАБР азобидан,ХАЁТ ва мамот
фитнасидан Сенинг паноҳингга сиғинаман.

« Ё Роббим .
Сендан ўзга( гуноҳ)ларни кечиргувчи йўқ .Мени ёрлақа ва АФУ эт.

Илоҳо фойдаси тегмайдиган ИЛМдан,
қўрқмайдиган ҚАЛБдан, тўймайдиган НАФСдан,қабул бўлмайдиган ДУОлардан ПАНОҲ бер.

( Дўзаҳ )ўтида ёнишимга сабаб
бўладиган фитнадан, дўзаҳ оловидан, бойлик ва фақирликнинг ёмонлигидан мени «А С Р А Г И Н .

Ёмон феъл атвор ва амаллардан,
нафсоний орзулардан АСРАГИН.

Аллоҳим! ҚУЛОҒИМНИНГ, КЎЗимнинг, ТИЛимнинг,ҚАЛБимнинг, (фарж)имнинг ёмонлигидан АСРАГИН.

Аллоҳнинг зикридан хам енгилроқ ва ажри улуғроқ ибодат йўқдир! Аллоҳни зикр қилинг азизларим.

«Лаа илаҳа иллаллоҳу ваҳдаҳу лаа шарийка лаҳу, лаҳул мулку ва лаҳул ҳамду ва ҳува ъалаа кулли шайин қодийр» (Ягона Аллоҳдан бошқа илоҳ йўқ, Унинг шериги ҳам йўқ, салтанат ва мақтов Уникидир. У барча нарсага қодир Зотдир).

Таҳоратдан сўнг алоҳида ўқиладиган 2 ракъат ёки насиб бўлганча нафл намоз ўқишнинг фазилати ҳақида. Жаннатга етакловчи амаллар кўп. Улардан бири ҳақида қуйидаги ҳадис билан танишгач, билиб оласиз.

Ўзгаларнинг имкониятига қараб эмас, балки ўзининг имкониятига қараб иш қиладиган инсонлар ўзларини бахтиёр қила оладиган инсонлардир. “Ҳикматлар чашмаси”дан.

“Пайғамбаримиз Муҳаммад салаллоҳу алайҳиссалом ДУО ҳам ИБОДАТдир деб марҳамат қилганлар. Пайғамбаримиз алайҳиссалом “НАМОЗлари сўнгида ушбу ДУОни ўқиганлар.

1. Онаниниг яқинида ярим соат ўтириш олти соат табибнинг хузурида ўтиришга тенг. 2. Онанг сени бағрига босганида тафаккуринг ўткирлашади. 3.Тақдирингда бўладиган ёмон ҳолатлар хақида олдиндан ҳис қилиш, сеза олиш қобилиятига эга ягона инсонинг онанг. Шунинг учун у сени қаергадир боришдан ман қилса унга итоат қилгин.

Бисмиллаҳир Роҳманир Роҳийм. Аллоҳ таолога битмас-туганмас ҳамду санолар бўлсин. Пайғамбаримизга мукаммал ва батамом салавоту дурудлар бўлсин.

«Тақво эгалари учун ваъда қилинган жаннатнинг сифати (будир): «Унда айнимаган сувдан бўлган дарёлар ҳам, таъми ўзгармаган сутдан бўлган дарёлар ҳам, ичувчилар учун лаззатли (яъни бадтаъм ва ақлдан оздирувчи бўлмаган) майдан бўлган дарёлар ҳам, мусаффо асалдан бўлган дарёлар ҳам бордир. Улар учун у жойда барча мевалардан бордир» (Муҳаммад: 15).

Имом Марвазий роҳимаҳуллоҳ айтдилар: «Аллоx, у билан азобни даф этувчи намоз каби бошқа ибодатни билмаймиз».

Сажда қиладиган жай кичик, сажда пайтидаги руҳият бутун олам ва ундаги нарсалардан кенгроқдир.

Comments are closed, but trackbacks and pingbacks are open.