Homiladorlikning 1-haftasi

Agar ayol, unda ona bo‘lish istagi haqiqatdan ham mustahkam bo‘lsa, u holda bo‘lg‘usi homilani uzoq davr mobaynida ko‘tarib yurishga ruhan tayyorlanishi kerak. Ertaga ona bo‘laman degan ayol yangi hayotni o‘z tanasida “kutib olish”ga tayyor bo‘lishi, ushbu fikrni anglab yetishi, mas’uliyatni his etishi lozim bo‘ladi. Zero, hozircha hech kim bilmay turgan narsa yaqin orada ota-ona uchun katta saodatga aylanishi mumkin-da.

Homila jinsini aniqlash kalendari. Xitoy taqvimi va boshqa usullar

Homila jinsini aniqlash kalendari. Bo’lg’usi onalar har doim ham farzandlari qiz yoki o’g’il tug’ilishini oldindan bilishga harakat qilishgan. Homila jinsini aniqlash zamonaviy tibbiyot uchun murakkab narsa emas. Ultratovush (UZI) aparati bolaning jinsini homiladorlikning 15-17 haftalaridan boshlab aytib berishi mumkin. Lekin bu davrda homila endi rivojlanayotgan bo’ladi, jinsiy a’zolarini aparat ekranida aniq ajratib va tanib olish qiyin vazifa. O’zingiz ekranga ko’z tashlaganingizda hech narsani ajrata olmasdingiz. Shuning uchun ham bazida hattoki, ultratovush aparati ham noto’g’ri natija beradi. Bu UZI aparatining aybi emas balki, mutaxassis adashganini bildiradi. Faqat homiladorlikning 30-haftalariga kelibgina bo’lg’usi farzandning kim bo’ib tug’ilishini ultratovush yordamida katta aniqlik bilan aytish mumkin.

Yuqorida usul tibbiyotdagi eng ishonchlisi bo’lsa ham ko’pchilik, bo’lg’usi onalarni qoniqtirmaydi. Bunga eng katta sabab ultratovush homila jinsini oldindan aytib bera olmasligidir.

Homila jinsi nimaga bog’liq?

Zamonaviy tibbiyot tan olgan hech qanday usul yolki fan bilgan biron bir bilim farzandning kim bo’lib tug’ilishini oldindan aytishga ojizdir. Qolaversa, ilmiy qarashlarga ko’ra, o’g’il yoki qiz tug’ilishi umuman ayol kishiga bog’liq emas. Faqat erkak kishi urug’ suyuqlikidagi spermatozoidalarga bog’liq bo’lar ekan. Maktabda biologiya darsligidan eslasangiz kerak, ayollarning tuxum hujayralarida faqat bir xil «X » xromosomalar bo’ladi. Erkaklarda esa 2 xil «X» va «Y» xromosomali spermatozoidlar, urug’ hujayralari mavjud. Yangi hayot paydo qilish paytida erkakdan ayol tuxum hujayrasiga shu ikki xromosomadan biri o’tadi. Natijada «XX» bo’lsa qiz, «XY» kombinatsiya hosil bo’lsa o’g’il farzand tug’iladi. Albatta, qaysi xromosomali urug’ni berish ham erkak kishi ixtiyoriga bog’liq emas. Hammasi tasodifga bog’liq.

Homila jinsini aniqlash usullari

Tibbiyot homilaning jinsini oldindan aniqlashni iloji yo’q deb hisoblaydi. Lekin qadim zamonlardan beri shu maqsadlar bir necha usullar qo’llanilib keliniladi. Bular orasida xitoy taqvimi, yapon kalendari, qon yangilanish metodi kabi bir necha an’anaviy usullar bor. Ular turli xil manbalarga asoslangan va 100% to’g’ri natija bermaydi. Lekin ko’p ayollar bunday metodlarga ishonishadi. Nafaqat ishonishadi, balki unga qarab farzand jinsini rejalashtirishadi ham. Quyida bunday yo’llardan bir nechtasini ko’rib chiqamiz.

Bola jinsini aniqlash uchun Xitoy kalendari

Qadimgi Xitoyliklar turli xil narsalarga usta bo’lishgan, to’g’ri hozirgilari ham qadimgilaridan qolishmaydi. Rivoyat qilishlaricha ushbu kalendardan Xitoyliklar imperator oilasida o’g’il yoki qiz farzand tug’ilishini rejalashtirishda foydalanishgan ekan. Chunki hukmron dinastiyani davom ettirish uchun albatta o’g’il farzand kerak bo’lgan.

Bu kalendarga ko’ra homila jinsi ayol farzandga homilador bo’lgan vaqtidagi yoshi va bolaning tug’ilish oyiga bog’liq ekan. Quyidagi kalendarga e’tibor bering. Vertikal kataklarda bola tug’ilish oyini, gorizontal qatorlarda esa homilador bo’lish vaqtidagi ayol yoshini belgilang. Ular kesishgan nuqtada bolaning jinsi aniqlanadi. M bo’lsa o’g’il bola, D esa qiz bola.

Xalq an’analarida belgilar

Qadim zamonlardan beri xalq tabobatida va buvilar tajribasiga tayanib ham bolaning jinsini oldindan taxmin qilish mumkin. Masalan quyidagi alomatlarga asoslanib

• O’g’il bolalar faolroq va ona qornida ko’proq harakat qilishadi.
• Yosh ayollar ko’proq o’g’il farzand tug’ishadi
• Bazida qorin shakliga ham e’tibor berishadi. Yumaloq qorin qiz bolani bildirar ekan
• O’g’il farzand kutayotgan onalarda ishtaxa ancha yuqori bo’ladi
• Ota-onalar yoshi 30 dan yuqori bo’lsa, qiz farzand tug’ilish ehtimoli ko’proq bo’ladi
• Homiladorlik muddatlari orasida kichik farq bo’lsa, ya’ni ayol qisqq vaqt ichida 2 marta farzand ko’rsa har xil jinsli bolalar tug’ilish ehtimoli katta bo’ladi
• Qiz bolalar onalaridan go’zallik olishi mumkin. Ko’pincha qiz farzandni ko’tarib yurish og’irroq, ayol yuzida xusnbuzarlar paydo bo’ladi. Toksikozni boshidan kechiradi.

Qon yangilanish usuli

Bu usul ham homila jinsini aniqlash kalendariga o’xshash. Faqat oylarga emas balki qon yangilanish, almashinish vaqtiga asoslangan.

Bu usulga ko’ra ota-onlardan kimning qoni «yangiroq» bo’lsa tug’iladigan farzand uning jinsida bo’ladi. Demak homiladorlik boshlanish paytida kimning erkakni yoki ayolni qoni yangiroq ekanligini xisoblab topish zarur.

Buning uchun quyidagilarni bilish zarur. Erkaklarda qon har 4 yilda, ayollarda esa har 3 yilda almashinadi. Xullas ayollar qoni 3, 6, 9 …. 18, 21, 24… yoshlarda (har 3 yoshda yangilanadi). Erilariniki esa sal uzoqroq 4, 8 …. 16, 20, 24 … yoshlarda yangilanadi. Shunga ko’ra hisoblash mumkin. Deylik ayol 21 yoshda erkak esa 25 yoshda. Unda ayol qoni aynan shu 21 yoshda yangilangan bo’sa turmush o’rtog’iniki esa oxirgi marta 24 yoshda yangilangan. Ayol qoni «yangiroq» xulosa qiz tug’iladi.

Unutmang inson qoni ko’p qon yo’qotishlardan keyin ham yangilanadi. Masalan og’ir operatsiya, katta jarohat oqibatida, 1 litrdan ko’p suyuqlik yo’qotish natijasida ham.

Xisob kitoblarga yo’q bo’lsangiz bu onlayn servisdan foydalanishingiz mumkin. Hamma hisob kitoblarni o’zi bajaradi, siz faqat tug’ilgan yillar va agar bo’lsa katta qon yo’qotish sanalarini kiritasiz.

Xulosa qilib aytadigan bo’lsak ushbu metodlarga qattiq ishonish kerak emas.

Homiladorlikning 1-haftasi

Homilador bo‘lishni rejalashtirar ekan, har bir bo‘lg‘usi ona homiladorlikning akusherlik va embrional muddati o‘rtasidagi farq to‘g‘risida, ayol organizmining urug‘lanishga tayyorlanishi haqida oldindan bilib qo‘ysa hamda bolani qorinda ko‘tarib yurish vaqtida nimalardan voz kechish, nimalardan ehtiyot bo‘lish va o‘zining hamda tug‘ilajak farzandining salomatligini qanday qilib mustahkamlash kerakligini yaxshilab bilib olsa yomon bo‘lmaydi.

Homiladorlikning 1-haftasi deganda nimani tushunish kerak?

Akusherlik sohasida homiladorlikning muddatini oxirgi hayz ko‘rilgan kundan boshlab hisoblash odat tusiga kirgan. Ovulyatsiya boshlangan aniq kunni, tegishli ravishda, homilador bo‘lganlik sanasini aniqlash o‘ta mushkul bo‘lganligi sababli shunday hisoblash turi qabul qilingan. Agar homiladorlik muddati “akusherlik” uslubiga tayangan holda hisoblanadigan bo‘lsa, birinchi haftada hali hech qanday homilaning mavjud bo‘lishi mumkin emas, shunday ekan, birinchi haftaning ichida homiladorlikni aniqlab bo‘lmaydi.

Aslida ayol kishida ovulyatsiya siklning 12-14-kunlarida boshlanishi kerak: yetilib turgan tuxumhujayra urug‘lanishga tayyorlangan holda follikuladan chiqadi. Lekin amalda barchasi biroz boshqacharoq yuz berishi mumkin. Ovulyatsiya har bir ayol kishi organizmining o‘ziga xos xususiyatlaridan va siklning davomiyligidan kelib chiqib, siklning 7-8-kunlarida ham, 20-21-kunlarida ham sodir bo‘lishi mumkin. Shu tariqa, homiladorlikning birinchi haftasi butun qirq haftalik muddatning ichida eng sir-sinoatli va hatto yolg‘ondakam sezgilarga boy davr hisoblanadi, chunki uni akusher-ginekologlar faqatgina nazariy jihatdan hisob-kitob qiladilar.

Homiladorlikning birinchi haftasida nimalar yuz beradi

Taajjublanarli, lekin urug‘lanish jarayoniga tayyorgarlik va homiladorlikning kelgusi rivojlanishi tuxumhujayraning shakllanish bosqichidayoq boshlanadi: ayolning gormonal holati, uning asab tizimi o‘zgarishi va boshqa ko‘p narsalar – bularning barchasi har oyda har bir sikl davomida sodir bo‘lib boraveradi.

Homiladorlik boshlanishining birinchi haftasi turlicha hisoblanishi hech kimga sir emas. Bu narsa homiladorlikni “hisoblash nuqtasi” sifatida nimadan kelib chiqilishiga bog‘liq. Agar akusherlik muddatlaridan kelib chiqib hisoblanadigan bo‘lsa, birinchi hafta oxirgi hayz ko‘rilgan kundan boshlanadi, “haqiqatdagisi” (UZIga natijalariga ko‘ra aynan uni sizga aytishligi mumkin) bo‘yida bo‘lgan kundan boshlab hisoblanadi.

1-haftadagi homiladorlikning belgilari

Aslida, “akusherlik” homiladorligining dastlabki ikki haftasi sirli tarzda o‘tadi. Bunda hatto bo‘lg‘usi onaning o‘zi ham uning tuxumhujayrasi urug‘lanishini bilmaydi. Ana shuning uchun ham homiladorlik belgilari albatta mavjud bo‘lmaydi. Homiladorlikning birinchi haftasida ko‘ngil aynish yoki sut bezlarining bo‘rtib qolishi, tabiiyki, sezilmaydi.

Birinchi hafta juda muhim, hatto hal qiluvchi palla hisoblanadi. Ko‘pincha homilaning kelgusidagi rivoji, hatto embrionning bachadonda mustahkam qaror topishi aynan shu pallaga bog‘liq.

Ertalabki ko‘ngil aynib behuzur bo‘lish, ovqat hidi yoki kechagina o‘ziga xush yoqqan atir-upa hidining badbo‘y bo‘lib tuyulishi haqida gapirishga hali erta. Lekin homiladorlikning birinchi haftasida turli ajralmalar chiqishi mumkin, bundan xavotirga tushmaslik kerak – bu xavfli emas va tabiiy holdir. Homiladorlikning birinchi haftasida ayolning qonidagi OXG darajasi unchalik katta bo‘lmaydi. Siz biror-bir o‘zgarishlarni umuman sezmasligingiz ham mumkin. Bu ham tabiiy holat.

Homiladorlik testi, albatta, salbiy natijani ko‘rsatadi. Agar siz soppa-sog‘ bo‘lsangiz va gormonlar bilan muammoingiz bo‘lmasa, natija aynan shunday chiqishi tabiiy. Rangi oqish, zo‘rg‘a ko‘rinadigan ikkinchi chiziq unda 10-12 kunlardan keyingina yuzaga chiqadi.

Homiladorlikning 1-haftasidagi sezgilar

Birinchi akusherlik haftasida homiladorlikning mavjudligi ayol uchun sirli bo‘lib qoladi. U o‘zining tuxumhujayrasi urug‘langanligini hatto taxmin ham qilmasligi mumkin. Bo‘lg‘usi onaning organizmi noodatiy holatni oldindan sezgan kabi yangi yumushlarga moslashishga dastlabki urinishlarni ko‘ra boshlaydi.

Homiladorlikning 1-haftasida nimalar qilish kerak

Agar ayol, unda ona bo‘lish istagi haqiqatdan ham mustahkam bo‘lsa, u holda bo‘lg‘usi homilani uzoq davr mobaynida ko‘tarib yurishga ruhan tayyorlanishi kerak. Ertaga ona bo‘laman degan ayol yangi hayotni o‘z tanasida “kutib olish”ga tayyor bo‘lishi, ushbu fikrni anglab yetishi, mas’uliyatni his etishi lozim bo‘ladi. Zero, hozircha hech kim bilmay turgan narsa yaqin orada ota-ona uchun katta saodatga aylanishi mumkin-da.

Bo‘lajak ona uchun foydali maslahat va tavsiyalar:

Ayolning ichida yangi hayotning paydo bo‘lishi kutilib turibdi, va uning sog‘lig‘ini saqlash bo‘yicha mazkur davrda ko‘rilaytogan choralar har qachongidan ham muhimroq hisoblanadi. Shuning uchun ayni vaqtda homiladorlikning birinchi haftasida nimalar mumkin emasligini yaxshilab bilib olish lozim. Agar siz ushbu davrdan g‘aflatda qolgan bo‘lsangiz, ishni hozirdanoq boshlayvering – bu narsa bolajoningizning kelgusida yaxshi rivojlanishiga o‘z ta’sirini albatta ko‘rsatadi.

1. Eng muhim taqiq shuki, ayolning organizmiga turli xil zaharlar tushishining oldini olish kerak. Ya’ni homiladorlikning birinchi haftalarida tamaki va alkogoldan tamoman voz keching.
2. Muayyan sabablarga ko‘ra ayol qabul qilishga majbur bo‘lgan dori-darmonlarga shifokorning ruxsatini olish kerak. Ko‘pgina dorilar ayol organizmida qaytarib bo‘lmas jarayonlarni yuzaga keltirishi mumkinligini hamma biladi. Shuning uchun dori-darmonlarni shifokor ruxsatisiz qabul qilmaslik kerak.
3. Qorin bo‘shlig‘idagi organlarni rentgen nurlanishlaridan saqlash kerak. Bunday tadqiqotlar faqatgina o‘ta zarur bo‘lgan hollarda o‘tkaziladi!
4. Stressli vaziyatlar bo‘lg‘usi onaning sog‘lig‘iga salbiy ta’sir ko‘rsatadi, shuning uchun yuzaga keladigan barcha muammolarni ohistalik yo‘li bilan hal etishga harakat qilish lozim. Yaqinlaringiz bilan munozaraga bormang, hamkasabalar bilan janjallashmang! Uyda eringiz bilan romantik shinam muhitni yaratish ancha maqbul bo‘ladi, zero jinsiy aloqa homiladorlikning birinchi haftalarida sizga nafaqat o‘zni bo‘sh tutishda yordam beradi, balki eringiz bilan intim munosabatlaringizni mustahkamlaydi.
5. Bemor odamlar bilan aloqada bo‘lishdan iloji boricha qochish kerak. Sovuq kunda iliq kiyinib, o‘zni shamollashdan va isitmani ko‘taradigan har xil kasalliklardan ehtiyot qilish homiladorlikning birinchi haftasida o‘ta muhimdir. Bunda ko‘klarga ko‘tarib maqtaladigan sarimsoq va piyoz yordamga keladi – bular homiladorlikning birinchi haftalarida shamollashning oldini oladigan eng yaxshi vositalar.
6. Immunitetni oshirish va organizmni tanqis mikroelementlar bilan boyitish uchun homiladorlikning birinchi haftalarida vitaminlarni qabul qilish tavsiya etiladi. Lekin to‘laqonli to‘g‘ri ovqatlanishni ham unutmaslik kerak, bu juda muhim eslatma. Ratsioningizda albatta sabzavot, mevalar, boshoqli o‘simliklar va sut mahsulotlari bo‘lishi shart. Ayniqsa mahsulotlar tarkibida foliy kislotasi borligiga e’tibor qarating – u tug‘ma nuqsonlarning oldini olishda va homilaning bir me’yorda rivojlanishiga yordam beradi.

Uzoq kutilgan mo’jiza!

Rejalashtirilgan homiladorlik doimo quvonch keltiradi! Yaqin vaqt oralig‘ida homilador bo‘laman degan hissiyot eng yaxshi va umidbaxsh o‘y-fikrlar haqida xayol surishga majbur qiladigan ajoyib iliq va nozik tuyg‘udir. Mayli, hali homiladorlikning dastlabki belgi-alomatlari bo‘lmasin, mayli, hali homiladorlikning birinchi haftasidagi ertalabki toksikoz sodir bo‘lmasin, lekin bu pallada ayol kishi organizmining har bir hujayrasi avlod qoldirish uchun ruhan tayyordir.

Baxt, murg‘ak jonzot va saodatmand oila qurish albatta ushaladigan orzulardir. Homiladorlik testida ko‘rinish bergan ikkinchi chiziqcha – yangi hayotning tug‘ilishi sari ilk qadam!